A Orde do 17 de xuño de 2015 (DOG núm. 118, do 25 de xuño) establece as bases e anuncia a convocatoria –en réxime de concorrencia competitiva e con sometemento aos principios de publicidade, obxectividade, transparencia, igualdade, mérito e capacidade– de dúas bolsas de formación nos lectorados de lingua, literatura e cultura galegas nos centros de estudos galegos localizados noutras tantas universidades estranxeiras.

Logo de ver a proposta de resolución definitiva de adxudicación das ditas bolsas de formación, así como a certificación, que se xuntan ambas á acta da Comisión de Valoración constituída ao abeiro do artigo 11 da antedita Orde do 17 de xuño de 2015, e remitidas, na súa condición de titular do órgano instrutor e presidenta da Comisión de Valoración, pola subdirectora xeral de Política Lingüística, esta secretaría xeral, en uso das facultades que en virtude da disposición adicional única da mencionada Orde do 17 de xuño de 2015 lle son expresamente delegadas,

DISPÓN:

Artigo 1

Aprobar definitivamente a relación de admitidos que se especifican no anexo I, con indicación da orde de preferencia dos destinos solicitados polos candidatos presentados.

Artigo 2

Aprobar definitivamente a relación de excluídos que se especifican no anexo II, con indicación da causa que orixina a súa exclusión, e aceptar definitivamente a desistencia da súa solicitude respecto das persoas que se relacionan no anexo III, con indicación da causa que a orixina.

Artigo 3

Adxudicar as bolsas de formación nos lectorados de lingua, literatura e cultura galegas dos centros de estudos galegos localizados nas universidades que se especifican, coas condicións establecidas na orde da convocatoria e polo período que se lles indica ás persoas relacionadas no anexo IV.

Artigo 4

Contra esta resolución, que lle pon fin á vía administrativa, os/as interesados/as poderán interpor recurso potestativo de reposición ante o/a titular da Secretaría Xeral de Política Lingüística, no prazo dun mes, que se contará a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 4/1999, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, recurso contencioso-administrativo ante o Tribunal Superior de Xustiza de Galicia, no prazo de dous meses, contados a partir do día seguinte ao da súa publicación, segundo dispoñen os artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Disposición derradeira

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 6 de outubro de 2015

Valentín García Gómez
Secretario xeral de Política Lingüística

ANEXO I
Relación de admitidos

Nº	Apelidos e nome	Universidade/s solicitada/s (orde de preferencia)
1º	2º
1	Aboi Ferradás, Iria	Sorbona Nova París-III
2	Castro González, Inmaculada	Sorbona Nova París-III	Federal da Bahía
3	Ces Ares, Ana	Sorbona Nova París-III
4	Fente Parada, Antonio	Federal da Bahía	Sorbona Nova París-III
5	Figueira Salgueiros, Isabel	Federal da Bahía
6	Freire Casal, Irene	Sorbona Nova París-III
7	García Fraga, Sandra	Sorbona Nova París-III
8	González Pascual, Iago	Sorbona Nova París-III
9	Lema París, Ánxela	Sorbona Nova París-III
10	Serantes Blanco, Santiago	Sorbona Nova París-III	Federal da Bahía
11	Veiga Rilo, Elena	Federal da Bahía

ANEXO II
Relación de excluídos

Nº	Apelidos e nome	NIF	Motivo
1	Costa González, Paula	78733409Q	Incumpre o requisito do límite de idade. Artigo 6.1

ANEXO III
Relación de desistidos

Nº	Apelidos e nome	NIF	Motivo
1	Fente Parada, Antonio	33546652W	Non presentarse á fase de entrevista. Artigo 12.5

ANEXO IV
Adxudicación das bolsas de formación

Destino	Apelidos e nome	NIF	Período
Universidade Federal da Bahía	Veiga Rilo, Elena	47434812A	1.1.2016 ao 31.12.2018
Universidade da Sorbona Nova-París III	Lema París, Ánxela	47365706N	8.10.2015 ao 30.9.2018