Para os efectos previstos na Lei 24/2013, do 26 de decembro (BOE núm. 310), e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Aguas de las Cuencas de España, S.A.

Domicilio social: rúa Agustín de Betancourt, 25, 4º, 28003 Madrid.

Denominación: LMTS, CS e CT de 250 kVA para tanque tormentas Esteiro 1.

Situación: avda. Esteiro, 1 Ferrol.

Características técnicas:

– LMTS co inicio na liña existente SMR-712, no tramo entre o CS 15PYZ6 C adestramento e o CT 15CKI1 N-9 Esteiro, condutor RHZ1-2OL 12/20 kV 3×(1×240 mm2), AL, lonxitude 52 m, e remate no centro de seccionamento proxectado.

– Centro de seccionamento en edificio de obra civil compartido co centro de transformación. Celas prefabricadas de entrada, saída e derivación con interruptores-seccionadores (24 kV, 400 A,16 kA).

– Centro de transformación anexo ao CS con celas prefabricadas de seccionamento, proteción e medida (24 kV, 400 A,16 kA) e dous transformadores de 250 kVA, refrixeración natural, seco e relación 15 kV/420 V.

Todas aquelas persoas ou entidades que se consideren afectadas poderán examinar o proxecto e/ou presentar as súas alegacións neste xefatura territorial, situada no Edificio Administrativo de Monelos, rúa Vicente Ferrer, 2, 1º andar, 15071 A Coruña, no prazo de vinte días, contados a partir do día seguinte á publicación, artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

A Coruña, 29 de setembro de 2015

Isidoro Martínez Arca
Xefe territorial da Coruña