O instrutor do expediente sancionador o día 22 de xuño de 2015 elaborou a proposta de resolución do expediente sancionador por infracción urbanística IU1/86/2012-SA1, incoado polas obras consistentes na construción dunha vivenda unifamiliar, dúas edificacións auxiliares e una soleira no lugar de Penencia, Doniños, no termo municipal de Ferrol, provincia da Coruña.
Ao non poderse realizar a notificación persoal daquela proposta a Elías Prado Díaz e a Mª del Mar Blanco Roca, mediante esta cédula, e ao abeiro do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), notifícaselles aos interesados a devandita proposta por medio dun anuncio publicado no Boletín Oficial del Estado.
Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselles saber aos interesados que o texto íntegro da proposta que se notifica encóntrase ao seu dispor nas dependencias da Axencia de Protección da Legalidade Urbanística sitas no edificio Witland, Salgueiriños, en Santiago de Compostela para a súa consulta, no prazo de dez (10) días hábiles, que se contarán desde o día seguinte ao da publicación desta cédula no Boletín Oficial del Estado. Transcurrido o devandito prazo, a notificación entenderase producida.
Os interesados disporán dun prazo de quince (15) días hábiles para formular alegacións e presentar os documentos e informacións que considere pertinentes.
Para que conste e lles sirva de notificación aos citados interesados en cumprimento do disposto no artigo 59.5 da citada Lei 30/1992, do 26 de novembro, expido e asino esta cédula.
Santiago de Compostela, 17 de setembro de 2015
José Antonio Cerdeira Pérez
Director da Axencia de Protección da Legalidade Urbanística