De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase o emprazamento para o trámite de audiencia ditado no expediente de reposición da legalidade urbanística LUG/211/2014-RP1, a María del Pilar Otero Montenegro, en relación coas obras consistente na instalación: a) dunha edificación de planta baixa e forma rectangular con cuberta a unha auga, con fachadas de táboas de madeira, con dúas portas de madeira e fiestras do mesmo material con cortinas decorativas interiores, b) dunha estrutura cuberta de madeira de planta baixa e forma sensiblemente cadrada, con cuberta a catro augas de lousa e con mesa e bancos de madeira, c) doutra estrutura de madeira de planta baixa e cuberta a unha auga, situada ao carón do peche, e na construción: a) dun solado de pedra e b) dunha soleira pavimentada para aparcadoiro de vehículos, que conforman un conxunto cuxas características son propias dun uso residencial, levadas a cabo no lugar do Regueiro, parroquia de Ombreiro, no termo municipal de Lugo, provincia de Lugo.
O expediente relacionado atópase á súa disposición na Axencia de Protección da Legalidade Urbanística, sita no Edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contará desde o día seguinte ao da publicación desta cédula no Boletín Oficial del Estado. Transcorrido o devandito prazo, a notificación entenderase producida.
A interesada disporá dun prazo de 10 días hábiles, contado a partir do día seguinte a aquel en que se producise a notificación no Boletín Oficial del Estado, para presentar alegacións e os documentos e xustificacións que considere pertinentes.
Para que conste e lle sirva de notificación á citada interesada, en cumprimento do disposto no artigo 59.5 da devandita Lei 30/1992, do 26 de novembro, expido e asino esta cédula.
Santiago de Compostela, 14 de setembro de 2015
José Antonio Cerdeira Pérez
Director da Axencia de Protección da Legalidade Urbanística