Para os efectos previstos na Lei 24/2013, do 26 de decembro (BOE núm. 310), do sector eléctrico, e no título VII do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:
Solicitante: Barras Eléctricas Galaico-Asturianas, S.A.
Domicilio social: Polígono Empresarial As Gándaras, rúa A, parcela U2, Lugo.
Denominación: reforma CT Dinan 1-14725.
Situación: concello de Lugo.
Características técnicas:
1. Obra civil: consistente en construír un foso de recollida de aceite, desmontaxe de embarrados e aparellaxe; instalar un anteparo de protección; pintado de paramentos, teito e chan; construción dun tabique e substitución da porta de dobre folla, reixas de ventilación horizontal e escaleira.
2. Obra eléctrica: instalación de dúas celas de liña e unha de protección, circuíto de terras interior, ponte de cables e bomba de achique.
Todas aquelas persoas ou entidades que se consideren afectadas poderán examinar o proxecto e presentar as súas alegacións, nesta xefatura territorial, sita na rolda da Muralla nº 70, baixo 2, Lugo, no prazo de vinte días a partir do seguinte ao da última publicación desta resolución.
Lugo, 4 de setembro de 2015
P.S. (Decreto 110/2013, do 4 de xullo)
Mª A. Belén Miragaya Sánchez
Xefa do Servizo de Enerxía e Minas de Lugo