O artigo 11.1 da Lei 4/2006, do 30 de xuño, de transparencia e boas prácticas na Administración pública galega, impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único
Dar publicidade á relación dos convenios subscritos polo Instituto Galego de Seguridade e Saúde Laboral nos meses de maio, xuño, xullo e agosto do ano 2015 que se incorpora como anexo a esta resolución.
Santiago de Compostela, 3 de setembro de 2015
P.S. (Orde do 17.11.2014)
Fernando González Abeijón
Subdirector xeral técnico e de Planificación
ANEXO
|
Convenio |
Obxecto |
Importe achegado polo Issga |
Data de sinatura |
|
Acordo marco de colaboración entre o Instituto Galego de Seguridade e Saúde Laboral (Issga) e o Colexio Oficial de Psicoloxía de Galicia, para a promoción e colaboración en actuacións de seguridade e saúde no traballo. |
O establecemento de canles de colaboración para o desenvolvemento de actividades de información e formación en prevención de riscos laborais, así como programar, coordinar e apoiar as actividades desenvolvidas polo COPG, de cara á mellora das condicións de seguridade e saúde no traballo, á redución dos riscos laborais, á investigación e ao fomento de novas formas de protección e promoción de estruturas eficaces de prevención. |
0 € |
10.6.2015 |
|
Convenio de cooperación educativa entre o Instituto Galego de Seguridade e Saúde Laboral e a Universidade de Vigo, para a realización de prácticas académicas externas do alumnado do Mestrado universitario en prevención de riscos laborais. |
Articular a colaboración do Issga coa Universidade de Vigo na realización de prácticas académicas externas do alumnado do Mestrado universitario en prevención de riscos laborais, para facilitar a súa preparación para o exercicio profesional en áreas operativas do instituto relacionadas coa súa formación universitaria e as posibles saídas profesionais desde os estudos cursados na universidade. |
0 € |
15.7.2015 |