A persoa titular da Subdirección Xeral de Inspección do Transporte ditou a resolución do expediente sancionador LU-00638-O-2015 por infracción da normativa sobre transporte terrestre.

Intentada a notificación da resolución por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícaselle a resolución ditada á persoa interesada.

É informada que o expediente sancionador se atopa á súa disposición nas oficinas da Subdirección Xeral de Inspección do Transporte, situadas na praza de Europa, 5A, 2º en Santiago de Compostela.

Comunicáselle que contra a resolución sancionadora, que non é definitiva na vía administrativa, cabe recurso de alzada, ante a persoa titular da Dirección Xeral de Mobilidade da Consellería de Medio Ambiente, Territorio e Infraestruturas, no prazo dun mes contado desde o día seguinte ao da publicación deste anuncio no BOE.

A sanción foi aboada dentro do período de pagamento voluntario pola totalidade do seu importe, tendo en conta que o pagamento foi efectuado dentro do prazo dos 30 días seguintes ao da notificación do expediente sancionador e que a mercantil imputada solicita a devolución do 30 % do seu importe, poñendo de manifesto a súa vontade de acollerse ao disposto no artigo 146.3 da LOTT; a sanción imposta xa foi aboada e procede a devolución de 255 euros (30 % do importe total).

Santiago de Compostela, 27 de agosto de 2015

Mercedes López Caneda
Subdirectora xeral de Inspección do Transporte

ANEXO