Na sesión ordinaria da Xunta de Goberno Local, que tivo lugar o 16 de xullo de 2015, impúlsase o expediente da modificación do convenio entre o Concello da Pontenova e Xestur Lugo, S.A., do 2 de xuño de 1992, para a creación dun parque empresarial en Goios, tras a incorporación ao inventario municipal da cesión de vías e outros realizada por Xestión do Solo de Galicia, S.A. (Xestur, S.A.), mediante escritura notarial, protocolo número 475 do 12.3.2015 ante o notario de Lugo José Antonio Caneda Goyanes.
De conformidade co establecido no artigo 237 da Lei 9/2002, do 30 de decembro, de ordenación urbanística e protección do medio rural de Galicia (Louga), o texto do novo convenio sométese a información pública, que pode ser consultado nas oficinas municipais de luns a venres, das 9.00 ás 14.00 horas, tras a inserción deste anuncio no Diario Oficial de Galicia e nos xornais El Progreso y La Voz de Galicia de Lugo, e no taboleiro de anuncios municipal por un período de vinte (20) días contados desde o día seguinte ao da última das publicacións.
Realizado o trámite anterior, poderanse presentar alegacións no mesmo período hábil, as cales xunto, coa proposta da Alcaldía, serán elevadas ao Pleno do Concello e, consecuentemente, o texto do convenio aprobarase, de ser o caso, por acordo do Pleno tras os informes preceptivos.
O convenio modificado queda condicionado á súa aprobación e perfeccionamento de conformidade co establecido no artigo 233 e seguintes da Lei 9/2002, do 30 de decembro, e ata ese momento será plenamente eficaz o convenio subscrito con Xestur Lugo, S.A. o día 2 de xuño de 1992.
A Pontenova, 20 de agosto de 2015
Darío Campos Conde
Alcalde