O Pleno do Concello, en sesión do 9 de xullo de 2015, acordou aprobar inicialmente o expediente da modificación puntual 14-01 do PXOM do Barco de Valdeorras (muro da Cerámica).

O dito expediente sométese a información pública polo prazo de dous (2) meses mediante anuncio no taboleiro de edictos do concello, no Diario Oficial de Galicia e en dous dos xornais de maior difusión da provincia. Durante o dito período quedará o expediente de manifesto no Departamento de Urbanismo deste concello, en horario de atención ao público, de luns a venres, das 9.00 ás 14.00 horas. Neste prazo os interesados poderán formular as alegacións que consideren.

Así mesmo, o Pleno do Concello, na sesión do 9 de xullo de 2015, acordou suspender o outorgamento de licenzas urbanísticas nas parcelas catastrais cuxas referencias catastrais son 6487623PG6968N e 6487622PG6968N. A suspensión terá unha duración máxima de dous (2) anos contados desde a aprobación inicial e, en calquera caso, extinguirase coa aprobación definitiva do planeamento.

Expediente:

* Modificación puntual 14-01 do PXOM (muro da Cerámica).

O Barco de Valdeorras, 17 de agosto de 2015

Alfredo García Rodríguez
Alcalde