Unha vez recibido o informe proposta motivado da Secretaría Xeral Técnica e do Patrimonio da Consellería de Facenda, formulada mediante escrito do 31 de xullo do 2015, e de conformidade co establecido nas bases da convocatoria, o tribunal nomeado pola Orde do 7 de abril de 2014, en sesión que tivo lugar o día 31 de agosto de 2015,

ACORDOU:

Primeiro. Declarar aptos/as todos/as os/as participantes que figuran no anexo e que foron nomeados/as funcionarios/as en prácticas en virtude da Orde do 21 de abril de 2015 (DOG núm. 78, do 27 de abril).

A orde de prelación, que se recolle no anexo, establécese de acordo coa puntuación obtida no proceso selectivo para o ingreso no corpo de xestión da Administración da Xunta de Galicia, subgrupo A2, escala técnica de finanzas, convocado pola Orde do 16 de xullo de 2013 (DOG núm. 140, do 24 de xullo).

Segundo. Propor aos/ás participantes que se relacionan no anexo a que se refire o punto primeiro desta resolución para o seu nomeamento como funcionarios/as de carreira, de conformidade co disposto na normativa vixente.

Terceiro. De conformidade co disposto na base IV.13 da convocatoria, contra este acordo poderá interporse recurso de alzada nos termos previstos nos artigos 114 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 2 de setembro de 2015

Víctor Martínez Lago
Presidente do tribunal

ANEXO