Na sesión que tivo lugar o día 30 de xullo de 2015, o tribunal nomeado pola Orde do 14 de abril de 2014 (DOG núm. 80, do 28 de abril), pola que se nomea o tribunal encargado de cualificar o proceso selectivo extraordinario de consolidación para o ingreso no corpo facultativo superior da Xunta de Galicia, subgrupo A1, escala de enxeñeiros/as industriais, convocado pola Orde do 20 de xuño de 2013 (DOG núm. 122, do 28 de xuño),

ACORDOU:

Primeiro. Proceder, de conformidade co disposto na base II.2.6 da orde de convocatoria, á publicación da baremación definitiva da fase de concurso correspondente ao proceso selectivo extraordinario de consolidación para o ingreso no corpo facultativo superior da Xunta de Galicia, subgrupo A1, escala de enxeñeiros/as industriais, dos aspirantes que presentaron a documentación. A relación das puntuacións obtidas recóllense no anexo I desta resolución.

Segundo. Publicar no anexo II desta resolución a relación de aspirantes que superaron o proceso selectivo por orde de puntuacións obtidas e con indicación do seu documento nacional de identidade.

De conformidade coa base IV.2 da convocatoria, os/as aspirantes disporán dun prazo de vinte (20) días naturais, contados a partir do día seguinte ao da publicación no Diario Oficial de Galicia desta resolución, para presentaren a documentación prevista na citada base.

Terceiro. Elevar a relación que aparece no anexo II desta resolución ao titular da Dirección Xeral da Función Pública para os efectos de que os/as aspirantes que figuran nela sexan propostos/as para o seu nomeamento como funcionarios/as de carreira.

Cuarto. De conformidade co disposto na base III.13 da orde de convocatoria, contra estes acordos poderase interpoñer recurso de alzada, ante o/a conselleiro/a de Facenda, nos termos previstos nos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común.

Pontevedra, 13 de agosto de 2015

José Manuel González González
Presidente do tribunal

ANEXO I
Proceso selectivo extraordinario de consolidación para o ingreso no corpo facultativo superior da Xunta de Galicia, subgrupo A1, escala de enxeñeiros/as industriais

Baremación definitiva da fase de concurso.

ANEXO II
Proceso selectivo extraordinario de consolidación para o ingreso no corpo facultativo superior da Xunta de Galicia, subgrupo A1, escala de enxeñeiros/as industriais

Relación de aspirantes que superaron o proceso selectivo.