A Axencia Galega de Innovación, con data 2 de xullo de 2015 enviou unha notificación á empresa Alimentos Lácteos, S.A. a fin de comunicarlle a revogación do expediente IN841B 2012/5080, de conformidade co disposto no artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro. A devandita notificación foi devolta polo servizo de Correos declarando o funcionario «descoñecido». Ao non ser posible a súa práctica, por medio desta cédula e segundo o disposto no número 5 do referido artigo e o establecido no artigo 61 do mesmo texto legal, notifícaselle á entidade beneficiaria o contido do trámite de audiencia que figura como anexo para que poida ter coñecemento del.

Tendo en conta o anterior e segundo o artigo 84 da Lei 30/1992, do 26 de novembro, os interesados dispoñen dun prazo de quince días, contados desde o día seguinte ao da publicación desta cédula no BOE, para facer alegacións e presentar os documentos e xustificantes que estimen pertinentes. Lémbraselle tamén o seu dereito a consultar o expediente, depositado nas dependencias desta axencia, sita na praza de Europa, 10-3º A, 15707 Santiago de Compostela, e a obter, se é o caso, copia do expediente, segundo o previsto na letra a) do artigo 35 da Lei 30/1992, do 26 de novembro.

Santiago de Compostela, 28 de xullo de 2015

Manuel Varela Rey
Director da Axencia Galega de Innovación

ANEXO

Núm. expediente: IN841B 2012/5080.

Título: Lacto Castanea Biotech.

Nome ou razón social: Alimentos Lácteos, S.A.

CIF/NIF: A27401868.

Tipo de axuda: apoio ao crecemento empresarial mediante o fomento da investigación e a innovación empresarial, convocadas pola Orde do 11 de abril de 2012 (Diario Oficial de Galicia núm. 73, do 17 de abril).

Contido do acto: notificación da resolución de revogación IN841B 2012/5080.