De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase a Actuaciones Navales, S.L., mediante a publicación no Boletín Oficial del Estado, resolución emitida pola Presidencia de Portos de Galicia o 6 xullo de 2015, que acorda non admitir a trámite a solicitude de concesión administrativa para o establecemento dunha instalación permanente de despezamento e reciclaxe de buques no porto de Brens-Cee, A Coruña.

A resolución emítese sobre a base do establecido no artigo 71 do Real decreto lexislativo 2/2011, do 5 de setembro, que aproba o texto refundido da Lei de portos do Estado e da mariña mercante, por non ser compatible a concesión solicitada co documento de delimitación de espazos e usos do porto.

O expediente completo para o seu exame e consulta atópase na sede dos servizos centrais de Portos de Galicia sitos na praza de Europa, nº 5 A, 6º, de Santiago de Compostela.

Esta cédula publicarase tamén no Diario Oficial de Galicia, ben que a eficacia do acto notificado quedará supeditada á súa publicación no BOE.

Contra a resolución que pon fin á vía administrativa poderase interpor recurso contencioso-administrativo ante el Xulgado do Contencioso-Administrativo de Santiago de Compostela que corresponda nun prazo máximo de dous (2) meses contados desde a publicación da presente cédula no Boletín Oficial del Estado. De maneira potestativa, poderase interpor recurso de reposición ante a Presidencia de Portos de Galicia no prazo máximo dun mes contado desde a mesma data.

Santiago de Compostela, 29 de xullo de 2015

José Juan Durán Hermida
Presidente de Portos de Galicia