O Pleno desta corporación municipal, na sesión realizada o día 28 de abril de 2015, adoptou o Acordo núm. 4104 polo que se aproba inicialmente o convenio urbanístico de xestión e planeamento entre o Concello de Poio e Raúl Torres Soto e Cándida Aboal Esperón para a execución da obra de humanización da rúa Gonzalo Fernández de la Mora y Mon, e de conformidade co disposto no artigo 237 da Lei 9/2002, do 30 de decembro, de ordenación urbanística e protección do medio rural de Galicia, sométese o expediente do dito convenio ao trámite de información pública durante o prazo de vinte días, contados a partir da publicación deste anuncio no Diario Oficial de Galicia.

Durante o dito prazo pódese examinar o expediente na casa do concello-Oficina de Urbanismo, das 8.00 ás 14.30 horas, e presentar as alegacións ou reclamacións que se consideren oportunas.

Poio, 3 de xuño de 2015

Luciano Sobral Fernández
Alcalde