Intentada a notificación destes acordos segundo o disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE do 14 de xaneiro), e non sendo posible a súa práctica, por medio desta cédula, e segundo o disposto no número 5 do referido artigo e o establecido no artigo 61 do mesmo texto legal, notifícaselles aos interesados o contido das resolucións que figuran como anexo, para que poidan ter coñecemento delas.
Así mesmo, fáiselles saber o dereito que os asiste para interpoñer recurso contencioso-administrativo no prazo de dous meses, que comezará a contar a partir do día seguinte ao da publicación desta cédula no Boletín Oficial del Estado, ante a Sala do Contencioso- Administrativo do Tribunal Superior de Xustiza de Galicia, así como, con anterioridade e con carácter potestativo, poderán interpoñer recurso de reposición no prazo dun mes, que comezará a contar a partir do día seguinte ao desta publicación, ante esta xefatura territorial, todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 30/1992, do 26 de novembro, de réxime xurídico das administracións públicas e do procedemento administrativo común.
Lémbraselles tamén o seu dereito a consultar o expediente, depositado nas dependencias desta xefatura territorial, sitas na rolda da Muralla, nº 70 baixo, en Lugo, e a obter, se é o caso, copia deste acordo, segundo o previsto na letra a) do artigo 35 da Lei 30/1992, do 26 de novembro.
Lugo, 16 de xullo de 2015
Alberto Linares Fernández
Xefe territorial de Lugo
ANEXO
Nº de expediente: TR348A 2010/70-2.
Nome: Marlen Fca. González Sánchez.
DNI/NIF: 34281322Y.
Axuda: subvención pola contratación indefinida inicial.
Último enderezo coñecido: Valboa, Trasliste, 9. 27367 Láncara (Lugo).
Feito imputado: non manter no seu cadro de persoal fixo a persoa subvencionada durante un período de tres anos desde a data de realización da contratación.
Precepto infrinxido: base sétima, punto 1, anexo A da orde de convocatoria.
Contido da resolución: acordo da procedencia de reintegro da axuda.
Nº de expediente: TR348A 2010/245-2.
Nome: Jil, C.B.
DNI/NIF: B27404227.
Axuda: subvención pola contratación indefinida inicial.
Último enderezo coñecido: rúa Ramón Cabanillas, 2, planta baixa. 27600 Sarria (Lugo).
Feito imputado: non manter no seu cadro de persoal fixo a persoa subvencionada durante un período de tres anos desde a data de realización da contratación.
Precepto infrinxido: base sétima, punto 1, anexo A da orde de convocatoria.
Contido da resolución: acordo da procedencia de reintegro da axuda.