Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:
Solicitante: Unión Fenosa Distribución, S.A.
Domicilio social: travesía Vigo, 204, 36207 Vigo.
Denominación: reforma y ampliación potencia del CT Nerga (36CL13).
Situación: Cangas.
Características técnicas: reforma e ampliación de potencia do centro de transformación Nerga (36CL13), situado na rúa da Coviña, O Hío, Cangas. A reforma consiste no cambio da actual aparellaxe convencional por un CT compacto 2L1P e na instalación dun trafo de 250 kVA con RT 20 kV/400-230 V.
Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo na avda. Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 2 de xullo de 2015
Ignacio Rial Santomé
Xefe territorial de Pontevedra