De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de ser intentada sen éxito a notificación persoal a través do servizo de Correos, notifícaselle á persoa interesada, que se sinala no anexo deste anuncio, o acordo de inicio do procedemento para declarar a perda do dereito ao cobramento total da axuda para a mellora da eficacia e sustentabilidade das explotacións agrarias e para a incorporación de novos activos agrarios.
A persoa interesada pode comparecer nas oficinas do Servizo de Explotacións e Asociacionismo Agrario, da Dirección Xeral de Produción Agropecuaria, Consellería do Medio Rural e do Mar (Edificio Administrativo San Caetano, Santiago de Compostela), de luns a venres, das 9.00 ás 14.00 horas, para coñecemento do dito acordo e constancia de tal coñecemento.
Segundo o artigo 77.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, a persoa interesada poderá presentar, no prazo de quince días, cantas alegacións e documentos coide convenientes. A eficacia do acto queda supeditada á súa publicación no taboleiro de edictos único do Boletín Oficial del Estado (TEU do BOE) polo que o prazo para presentar as alegacións se computará a partir do día seguinte ao desa publicación.
Se o interesado non presenta alegacións, o órgano competente poderá, sen máis trámite, resolver este procedemento nos mesmos termos contidos no acordo de inicio.
Santiago de Compostela, 8 de xullo de 2015
Patricia Ulloa Alonso
Directora xeral de Produción Agropecuaria
ANEXO
Procedemento: expediente número 36/00199/09, de axudas para a modernización das explotacións agrarias e para a incorporación de mozos á actividade agraria.
Interesada: Bodegas Agnusdei, S.L.
Acto de notificación: acordo de inicio do procedemento para declarar a perda do dereito ao cobramento total da axuda.
Último enderezo coñecido: Aguís, Simes, 36968, Meaño, Pontevedra.