De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada parcialmente pola Lei 4/1999, do 13 de xaneiro, notifícase a Ildefonso Echevarría Reigosa, con último enderezo coñecido na rúa do Castrelo, 14, 3º, 27880 Burela, o acordo de incoación de expediente de caducidade da autorización de aproveitamento de recursos mineiros da sección A), canteira Toxoeiras número 181, desta provincia, xa que, intentada a notificación polos medios legalmente establecidos, non se puido efectuar.
Ao dito acordo de iniciación poderanse achegar, nun prazo de dez (10) días, cantas alegacións, documentos ou informacións se consideren oportunas, segundo o artigo 78 e seguintes da Lei 30/1992, do 26 de novembro.
Lugo, 26 de xuño de 2015
Pilar Fernández López
Xefa territorial de Lugo