En execución da Sentenza do 9 de marzo de 2015, ditada pola Sección Sétima da Sala do Contencioso-Administrativo do Tribunal Supremo, na que se declara que non procede o recurso de casación 867/2014, interposto pola Universidade da Coruña contra a Sentenza ditada o 11 de decembro de 2013, pola Sección Primeira da Sala do Contencioso-Administrativo do Tribunal Superior de Xustiza de Galicia, ditada no recurso 353/2012, que estimaba o recurso interposto pola Avogacía do Estado por petición da Dirección Xeral de Custos de Persoal e Pensións Públicas do Ministerio de Facenda e Administracións Públicas, anula a Resolución da Universidade da Coruña, do 4 de xullo de 2012, pola que se convocou concurso de acceso a dúas prazas de corpos docentes universitarios, e as do 30 de outubro e 5 de novembro de 2012, polas que se nomean profesores titulares de universidade nas prazas obxecto do concurso a Antonio Manuel Castro Castro (praza nº 12/025) e a Pablo Ligeiro Martínez-Risco (praza nº 12/024).
Esta reitoría resolve declarar a nulidade das resolucións da Universidade da Coruña, do 4 de xullo de 2012, pola que se convocou concurso de acceso a dúas prazas de corpos docentes universitarios, e as do 30 de outubro e 5 de novembro de 2012, polas que se nomean profesores titulares de universidade nas prazas obxecto do concurso a Antonio Manuel Castro Castro (praza nº 12/025: Área de Bioloxía Celular) e a Pablo Ligero Martínez-Risco (praza nº 12/024: Área de Enxeñaría Química).
Igualmente, esta reitoría, en virtude das competencias que lle están atribuídas conforme a lei, resolveu que a anulación dos nomeamentos debe retrotraerse ao momento da toma de posesión como titulares de universidade dos citados profesores, que permanecerán a partir desa data na situación e categoría laboral que os vinculaba á Universidade da Coruña o día anterior ao da toma de posesión, cos efectos económicos e administrativos que procedan.
A Coruña, 22 de xuño de 2015
Xosé Luís Armesto Barbeito
Reitor da Universidade da Coruña