Mediante a Orde do 19 de febreiro de 2015 convocouse concurso de méritos específico entre persoal funcionario de carreira dos corpos docentes que imparten ensinanzas reguladas na Lei orgánica 2/2006, do 3 de maio, de educación, para cubrir postos de persoal docente en prazas sometidas a convenio ou a programas específicos da Consellería de Cultura, Educación e Ordenación Universitaria.
En aplicación do disposto no artigo 7 da citada convocatoria, a Consellería de Cultura, Educación e Ordenación Universitaria
DISPÓN:
Primeiro. Facer pública, no anexo a esta orde, a adxudicación definitiva dos postos obtidos no concurso público convocado pola referida orde.
Segundo. De conformidade co disposto no artigo 8 da citada orde, os seleccionados quedarán adscritos aos postos obtidos con data do 1 de setembro de 2015 por un período dun ano e un máximo de seis, e con reserva do posto de traballo de orixe.
Terceiro. Contra esta orde, que esgota a vía administrativa, as persoas interesadas poderán interponer recurso potestativo de reposición, perante o conselleiro de Cultura, Educación e Ordenación Universitaria, no prazo dun mes contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Santiago de Compostela, 12 de xuño de 2015
Román Rodríguez González
Conselleiro de Cultura, Educación e Ordenación Universitaria
ANEXO
Apelidos e nome |
DNI |
Denominación da praza |
Lamelo González, Paula |
44479496A |
Centro de atención específica Montefiz |
Peleteiro Prieto, Ana Belén |
44456047Z |
Centro educativo Monteledo |
Saavedra Pose, Mª Isabel |
33318787K |
ONCE-Vigo |