Tipo e nº de recurso: recurso suplicación 2685/2013-MFV

Xulgado orixe/autos: P. ordinario 544/2012 Xulgado do Social número 4 de Vigo

Recorrente: Juan Pousada Piñeiro

Avogado: Javier García Vidal. Fax: 981 59 46 20

Recorridos: Fogasa, Kolokar Pontevedra, Sociedade Cooperativa Galega

Avogado/a: ltdo. Fogasa/edictos-DOG.

María Isabel Freire Corzo, secretaria xudicial da Sala do Social do Tribunal Superior de Xustiza de Galicia, fago saber que no procedemento de recurso de suplicación 2685/2013 desta sección, seguido por instancia de Juan Pousada Piñeiro contra sobre reclamación cantidade, foi ditada a seguinte resolución:

«Decidimos.

Desestimar o recurso de suplicación interposto pola representación letrada de Juan Pousada Piñeiro contra a sentenza do Xulgado do Social número 4 de Vigo, do 12 de abril de 2013, en autos nº 544/2012, que confirmamos. Incorpórese o orixinal desta sentenza, pola súa orde, ao libro de sentenzas desta Sala do Social do Tribunal Superior de Xustiza de Galicia.

Modo de impugnación: faise saber ás partes que contra esta sentenza cabe interpor recurso de casación para unificación de doutrina que debe prepararse mediante escrito presentado ante esta sala dentro do improrrogable prazo dos dez (10) días hábiles inmediatos seguintes á data de notificación da sentenza. Se o recorrente non tiver a condición de traballador ou beneficiario do réxime público de seguridade social, deberá efectuar:

– O depósito de 600 € na conta de 16 díxitos desta sala, aberta no banco de Santander (Banesto) co nº 1552 0000 37, seguida do catro díxitos correspondentes ao nº do recurso e dous díxitos do ano deste.

– Así mesmo, se houber cantidade de condena, deberá consignala na mesma conta, pero co código 80 en vez do 37, ou ben presentar aval bancario solidario en forma.

– Se o ingreso se fixer mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións” ou “Concepto da transferencia” os 16 díxitos que corresponden ao procedemento (1552 0000 80 ou 37 **** ++).

Así o pronunciamos, mandamos e asinamos por esta nosa sentenza».

E para que sirva de notificación en legal forma a Kolokar Pontevedra, Sociedade Cooperativa Galega, en ignorado paradoiro, expido este edicto para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 22 de maio de 2015

A secretaria xudicial