De conformidade co disposto na Lei orgánica 6/2001, do 21 de decembro (BOE do 24 de decembro), de universidades, modificada pola Lei orgánica 4/2007, do 12 de abril (BOE do 13 de abril), en diante LOU, no Decreto 266/2002, do 6 de setembro (DOG do 17 de setembro), da Xunta de Galicia, sobre contratación de profesorado universitario, no II Convenio colectivo para o persoal docente e investigador das universidades da Coruña, Santiago de Compostela e Vigo, e polo establecido nos estatutos da Universidade de Vigo, aprobados polo Decreto 7/2010, do 14 de xaneiro (DOG do 2 de febreiro), da Xunta de Galicia, esta reitoría, no uso das competencias recoñecidas pola LOU, resolve proceder ao anuncio da convocatoria de concurso público nas seguintes categorías:
LA1501. Listas de espera
A información completa (bases das convocatorias, modelo de solicitude, etc.) pode consultarse no taboleiro de anuncios do Rexistro Xeral da Universidade (Edificio Xerencia-Servizos Centrais, Campus Universitario-Vigo) e nos rexistros auxiliares dos campus de Ourense (Edificio Administrativo, Campus Universitario As Lagoas), Pontevedra (Escola de Enxeñaría Forestal, Campus Universitario A Xunqueira) e Vigo (Escola de Enxeñaría Industrial; r/ Torrecedeira, 86), así como na páxina electrónica http://persoal.uvigo.es/ , Servizo de Persoal Docente e Investigador, premendo en «emprego», «convocatorias de concurso» . Para outra información e aclaración de dúbidas, poden dirixirse aos teléfonos 986 81 37 65 (Servizo de Persoal Docente e Investigador) e 986 81 36 00 (Negociado de Información).
O prazo de presentación de solicitudes é de dez días naturais, contados desde o día seguinte ao da publicación deste anuncio no Diario Oficial de Galicia, e deberán dirixilas ao reitor no modelo oficial, obrigatoriamente xunto cos documentos acreditativos previstos na convocatoria.
Con carácter previo á formalización dos correspondentes contratos, será precisa a autorización conxunta da Secretaría Xeral de Universidades e a Dirección Xeral de Planificación e Orzamentos segundo o establecido na Lei de orzamentos da Comunidade Autónoma de Galicia para o ano 2015.
Vigo, 11 de xuño de 2015
Salustiano Mato de la Iglesia
Reitor da Universidade de Vigo