O Pleno da Corporación, na sesión ordinaria que tivo lugar o día 5 de marzo de 2015, adoptou, entre outros, o seguinte acordo:
a) Aprobar inicialmente a modificación puntual do Plan xeral de ordenación municipal (PXOM) na Rocha, estrada N-550 p.q. 67, segundo o proxecto presentado con data do 18 de xuño de 2014 por Jorge Duarte, en representación de Galuresa.
b) En aplicación do procedemento regulado polo artigo 85.2 da LOUG, a modificación inicialmente aprobada someterase á información pública durante o prazo de dous meses, mediante anuncios que para o efecto se publicarán no Diario Oficial de Galicia e en dous xornais dos de maior circulación na provincia. Simultaneamente, efectuarase citación persoal aos propietarios dos inmobles afectados, segundo figuren no Catastro.
c) Durante o trámite de información pública solicitarase o informe do organismo autónomo Augas de Galicia e do director xeral do Patrimonio Cultural.
d) Como condición para a aprobación provisional da modificación deberá incorporarse un anexo que recolla as condicións sinaladas por Augas de Galicia durante o período de consultas do documento de inicio, ademais das que, de ser o caso, resulten dos informes sectoriais que se reúnan durante o período de información pública.
e) A aprobación inicial da modificación determina automaticamente, por aplicación do disposto no artigo 77.2 da LOUG, a suspensión do outorgamento de licenzas para todas aquelas actuacións que puidesen resultar incompatibles coa nova ordenación proposta. A suspensión terá unha duración máxima de dous anos contados desde o acordo de aprobación inicial e extinguirase en todo caso coa aprobación definitiva do planeamento.
O que se publica co fin de que, durante o prazo de dous meses, contados a partir do día seguinte ao da publicación deste anuncio no Diario Oficial de Galicia e en dous xornais dos de maior circulación na provincia, os interesados poidan consultar o expediente no Servizo de Planeamento e Xestión e formular as alegacións que xulguen oportunas.
Santiago de Compostela, 19 de marzo de 2015
P.D. (Decretos 4867 e 4903/2014, do 9 e 11 de xullo, respectivamente)
Teresa Gutiérrez López
Concelleira delegada da Área de Desenvolvemento Urbano e Sostible