En sesión que tivo lugar o 19 de maio de 2015, o tribunal nomeado pola Orde do 29 de abril de 2015 (DOG núm. 86, do 8 de maio), para cualificar o proceso selectivo para o ingreso no corpo de xestión da Administración da Xunta de Galicia, escala técnica de inspección turística, convocado pola Orde do 18 de decembro de 2001 (DOG núm. 250, do 28 de decembro), en execución da sentenza ditada pola Sala do Contencioso-Administrativo do Tribunal Supremo o 19 de xullo de 2009 no procedemento ordinario 745/2003, de conformidade co establecido no procedemento de execución por auto da Sala do Contencioso-Administrativo do Tribunal Superior de Xustiza de Galicia do 18 de xullo de 2011, confirmado pola Sentenza do 19 de decembro de 2013, da Sala do Contencioso-Administrativo do Tribunal Supremo, que foi aclarada polo Auto do 7 de marzo de 2014,

ACORDOU:

De conformidade co disposto na base II.1.1. letra d) da convocatoria, que o cuarto exercicio do proceso selectivo terá lugar o 17 de xuño de 2015 nas aulas 11 e 17 da Escola Galega de Administración Pública de Santiago de Compostela, en chamamento único que se iniciará ás 16.00 horas.

Os/as aspirantes que poderán acceder á realización de este cuarto exercicio son os que se relacionan no anexo.

Os/as aspirantes deberán ir provistos de DNI ou de documento fidedigno acreditativo da súa identidade, a xuízo do tribunal, e bolígrafo de tinta azul.

Para a realización deste cuarto exercicio os opositores poderán servirse de textos legais sen comentarios, excluíndose os libros de consulta.

Non se permitirá o acceso ás aulas en que se realice o exercicio con teléfonos móbiles, axendas electrónicas, reloxos intelixentes ou calquera outro instrumento de que se poida valer o/a aspirante para auxiliarse na realización do exercicio. Non se habilitará ningún servizo de recollida de móbiles.

Santiago de Compostela, 22 de maio de 2015

Paloma Vázquez Fernández
Presidenta do tribunal

ANEXO