No Boletín Oficial da provincia da Coruña número 69, do 15 de abril de 2015, aparecen publicadas integramente as bases que deberán rexer dous procesos de funcionarización e un proceso de selección para a cobertura en propiedade das seguintes prazas de persoal funcionario do Concello de Arteixo:
Técnico superior de proxectos: 1 praza, grupo B (funcionarización, concurso-oposición restrinxido).
Delineante: 1 praza, grupo C1 (funcionarización, concurso-oposición restrinxido).
Arquitecto técnico-técnico urbanista: 1 praza, grupo A2 (concurso-oposición libre).
As instancias que soliciten participar no correspondente proceso selectivo presentaranse na forma prevista nas mencionadas bases, no Rexistro Xeral do Concello, dirixidas ao alcalde-presidente da corporación, no prazo de vinte (20) días naturais contados a partir do seguinte ao da publicación do presente anuncio no Boletín Oficial del Estado.
Os sucesivos anuncios relacionados con estas prazas publicaranse no Boletín Oficial da provincia da Coruña e no taboleiro de edictos do Concello de Arteixo (A Coruña).
Arteixo, 15 de abril de 2015
P.D. (Decreto 989/2011)
José María Sánchez Novo
Concelleiro de Persoal e Recursos Humanos