O artigo 11 da Lei 4/2006, do 30 de xuño, de transparencia e boas prácticas na Administración pública galega (Diario Oficial de Galicia núm. 136, do 14 de xuño) impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único. Darlle publicidade á relación dos convenios subscritos polo Instituto de Estudos do Territorio no primeiro cuadrimestre do ano 2015, que se incorpora como anexo a esta resolución.
Santiago de Compostela, 18 de maio de 2015
Manuel Borobio Sanchiz
Director do Instituto de Estudos do Territorio
ANEXO
Convenios de colaboración e cooperación subscritos polo Instituto de Estudos do Territorio no primeiro cuadrimestre do ano 2015
|
Convenio |
Achega económica do IET |
Data da sinatura |
|
Acordo de colaboración entre o Instituto de Estudos do Territorio e a Fundación Instituto Tecnolóxico de Galicia no marco do proxecto LIFE SANePLAN: planificación integrada e xestión sustentable de infraestruturas de saneamento a través de tecnoloxía de precisión innovadora LIFE12 ENV/ES/000687, cofinanciado polo programa LIFE da Unión Europea |
Sen achega económica |
27.3.2015 |
|
Convenio de colaboración entre o Instituto de Estudos do Territorio e a Fundación Galicia Sustentable para o programa de participación cidadá na paisaxe Somos paisaxe |
100 000 € |
22.4.2015 |
|
Convenio de cooperación educativa entre a Universidade de Santiago de Compostela e o Instituto de Estudos do Territorio para a realización de prácticas académicas externas, sen prestación económica, de alumnos/as do máster universitario en Enxeñaría Ambiental (2ª ed.) |
Sen achega económica |
24.4.2015 |