O artigo 11.1 da Lei 4/2006, do 30 de xuño, de transparencia e boas prácticas na Administración pública galega, establece a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.

En consecuencia, e para dar cumprimento a esa obriga,

RESOLVO:

Dar publicidade ao convenio subscrito polo Centro Informático para a Xestión Tributaria, Económico-Financeira e Contable (Cixtec), nos meses de xaneiro, febreiro, marzo e abril do ano 2015, que se relaciona no anexo a esta resolución.

Santiago de Compostela, 13 de maio de 2015

M. Mauro Fernández Dabouza
Director xeral do Centro Informático para a Xestión Tributaria,
Económico-Financeira e Contable

ANEXO

– Nº 1

Título: convenio de colaboración entre a Escola Galega de Administración Pública e o Centro Informático para a Xestión Tributaria, Económico-Financeira e Contable para o desenvolvemento de actividades de formación, divulgación e investigación.

Obxecto: a participación nas actividades da EGAP do persoal dependente do Cixtec, así como a colaboración e o desenvolvemento conxunto de actividades de carácter formativo, divulgador e investigador en materias de competencia das institucións asinantes del; actuando de forma máis eficaz e eficiente na utilización dos medios humanos, materiais e organizacionais de cada unha delas, para un mellor cumprimento dos fins de ambas as partes, en beneficio da cidadanía e da sociedade galega.

Sinatura: 11 de febreiro de 2015.

Importe: 0 €.