DOG 90 do 15/05/2015 - ACORDO do 4 de maio de 2015, da Mesa do Parlamento de Galicia, polo que se resolve o procedemento de provisión, por libre designación, do posto de director/a de Recursos Humanos e Réxime Interior (código AP63).

IV. Oposicións e concursos

Parlamento de Galicia

ACORDO do 4 de maio de 2015, da Mesa do Parlamento de Galicia, polo que se resolve o procedemento de provisión, por libre designación, do posto de director/a de Recursos Humanos e Réxime Interior (código AP63).

A Mesa do Parlamento, na súa sesión do día 4 de maio de 2015, logo de concluído o procedemento para a provisión do posto de director/a de Recursos Humanos e Réxime Interior (convocatoria e bases publicadas no BOPG núm. 439, do 30 de marzo, e no DOG núm. 60, do mesmo día), acordou nomear para o dito posto a Santiago González Serrano.

Contra este acordo, que esgota a vía administrativa, poderase interpor recurso potestativo de reposición ante a Mesa do Parlamento, no prazo dun mes, contado desde o día seguinte ao da publicación deste acordo no Boletín Oficial do Parlamento de Galicia, ou directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contado desde a mesma data.

Santiago de Compostela, 4 de maio de 2015

Pilar Rojo Noguera
Presidenta do Parlamento de Galicia