Mediante a Orde do 6 de febreiro de 2015 (DOG núm. 26, do 9 de febreiro) a Vicepresidencia e Consellería de Presidencia, Administracións Públicas e Xustiza, convocou unha liña de subvencións para o ano 2015 que establecía as bases reguladoras para a adxudicación, en réxime de concorrencia competitiva, aos concellos de menos de 50.000 habitantes que conten con corpo de policía local, cofinanciado polo Fondo Europeo de Desenvolvemento Rexional.

Vista a proposta de resolución da comisión avaliadora, en aplicación do artigo 6, números 2 e 3, da referida orde,

RESOLVO:

Primeiro. Adxudicar con cargo á aplicación 05.25.212A.624.0, código de proxecto 2015 00132, programa operativo Feder-Galicia 2007-2013, eixe 3, tema prioritario 53, Protección de riscos, os equipamentos de emerxencia relacionados no anexo.

Segundo. Establecer unha lista de reserva conformada por todos os solicitantes admitidos de cara á posible renuncia dalgún beneficiario. Na repartición deste material terase en conta a puntuación total acadada por cada entidade.

Terceiro. De conformidade co disposto no artigo 8.2.d) da Orde do 6 de febreiro de 2015, pola que se establecen as bases reguladoras e a convocatoria de subvencións para o ano 2015 para a adxudicación de vehículos e motocicletas a concellos de menos de 50.000 habitantes que conten con corpo de policía local, en réxime de concorrencia competitiva, cofinanciada polo Fondo Europeo de Desenvolvemento Rexional, no marco do programa operativo Feder-Galicia 2007-2013, o/a alcalde/sa do concello ao cal se lle conceda o equipamento solicitado, disporá dun prazo de dez días hábiles, contados a partir da recepción da comunicación individual da resolución favorable para a súa aceptación ou renuncia.

Unha vez manifestada por parte da entidade beneficiaria a aceptación da subvención en especie concedida nesta resolución, a acta de cesión do equipamento concedido realizarase no prazo estimado de tres meses contados desde a data de recepción daquela. Non obstante, este prazo podería verse incrementado en función dos prazos de entrega do equipamento previstos nos correspondentes contratos derivados do procedemento para a contratación da subministración de vehículos e motocicletas destinados aos concellos de menos de 50.000 habitantes que conten con corpo de policía local, número 2014-05-01830 (2015-SUEI 07-08/AMP), por importe de 1.070.000,00 euros, publicado no DOUE do 2.1.2015.

Cuarto. Contra esta resolución, que esgota a vía administrativa, poderase interpor recurso de reposición ante este mesmo órgano, no prazo dun mes, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación desta orde.

Santiago de Compostela, 7 de maio de 2015

P.D. (Disposición derradeira primeira da Orde do 28 de xaneiro de 2015)
Luis Menor Pérez
Director xeral de Emerxencias e Interior

ANEXO
Concellos beneficiarios