Cumpridos os trámites previstos no artigo 85.7 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, aplicable en defecto de lexislación autonómica propia e nas demais normas de procedente aplicación, acordouse, en virtude das atribucións delegadas pola Orde da Consellería do Medio Rural e do Mar, do 30 de marzo de 2012, outorgar por resolución que pon fin á vía administrativa as seguintes concesións en dominio público portuario, con suxeición ás condicións estipuladas nos pregos de condicións correspondentes:
– Resolución: 20 de xaneiro de 2015.
Referencia: 12-19-13-C-2.
Obxecto: explotación dunha zona de varada e foso de travelift para reparación de embarcacións.
Porto: Malpica de Bergantiños.
Concesionario: Aplicaciones Tecnológicas Acyrnor, S.L.
Prazo: ata o 20 de xaneiro de 2020.
Taxas: 12.935,07 €/ano en concepto de TODP e o 1 % do volume de negocio xerado na instalación en concepto de ACIS.
– Resolución: 4 de febreiro de 2015.
Referencia: 13-04-12-C-1.
Obxecto: modificación substancial para autorizar cambio de tipoloxía e volume da nave de servizos e instalación dun pantalán de espera.
Porto: O Xufre.
Concesionario: Outros Adaxes, S.L.
Prazo: 4 de outubro de 2027.
Taxas: 53.607,4 €/ano en concepto de TODP e o 3 % do volume de negocio xerado na instalación en concepto de ACIS.
–Resolución: 12 de febreiro de 2015.
Referencia: 12-37-13-C-1.
Obxecto: ocupación de edificio para almacén de embarcacións tradicionais.
Porto: Portocubelo.
Concesionario: Asociación Cultural Canle de Lira.
Prazo: 12 de febreiro de 2025.
Taxas: 821,39 €/ano en concepto de TODP e o 1 % do volume de negocio xerado na instalación en concepto de ACIS
– Resolución: 27 de febreiro de 2015.
Referencia: 12-12-12-C-1.
Obxecto: ocupación de edificio para deportes náuticos.
Porto: Betanzos.
Concesionario: Club Náutico Ría de Betanzos.
Prazo: 10 de marzo de 2025.
Taxas: 5.234,22 €/ano en concepto de TODP, o 1 % do volume de negocio xerado na instalación e un 2 % do importe anual da cifra neta de negocio relativa a máquina expendedora localizada nas instalacións do edificio en concepto de ACIS
– Resolución: 10 de marzo de 2015.
Referencia: 12-52-00-C-1.
Obxecto: construción e explotación de instalacións de subministración de combustible a embarcacións e vehículos automóbiles dos usuarios do porto e lavado de embarcacións.
Porto: Cabo de Cruz.
Concesionario: Suministros Hervaz, S.L.
Prazo: 7 de xuño de 2020.
Taxas: 879,72 €/ano en concepto de TODP, o 1 % do importe anual da cifra neta de negocio pola subministración a embarcacións e lavado destas e un 2 % do importe anual da cifra neta de negocio pola subministración a vehículos rodados dos usuarios do porto en concepto de ACIS.
– Resolución: 13 de marzo de 2015.
Referencia: 12-03-14-C-1.
Obxecto: ocupación de edificación para museo do mar.
Porto: Cariño.
Concesionario: Concello de Cariño.
Prazo: 17 de marzo de 2035.
Taxas: 2.404,95 €/ano en concepto de TODP e o 1 % do volume de negocio xerado na instalación en concepto de ACIS.
– Resolución: 23 de marzo de 2015.
Referencia: 12-13-14-C-2.
Obxecto: explotación da nave, parcela D2, para almacenaxe e reparación de embarcacións deportivas e outros usos complementarios.
Concesionario: Yatesport, S.A.
Prazo: 23 de marzo de 2020.
Taxas: 11.341,85 €/ano en concepto de TODP, o 1 % do importe anual da cifra neta de negocios das actividades desenvolvidas na instalación en concepto de ACIS.
Contra os citados actos administrativos que esgotan a vía administrativa cabe interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados a partir do día seguinte ao da publicación da resolución facendo público o outorgamento.
Non obstante, os interesados poderán interpor contra esta resolución recurso de reposición, no prazo dun (1) mes contado a partir do día seguinte ao desta publicación, ante o mesmo órgano que a ditou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 20 de abril de 2015
José Juan Durán Hermida
Presidente de Portos de Galicia