Estando vacantes os postos de secretaría das vicerreitorías que se relacionan no punto primeiro, que, de acordo coa vixente relación de postos de traballo, deben ser provistos mediante libre designación, e
Consonte o disposto no Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e o Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna
En uso das atribucións conferidas pola Lei orgánica 6/2001, do 21 de decembro, de universidades, e polos estatutos da Universidade de Vigo,
Esta reitoría
RESOLVEU:
Primeiro. Convocar a provisión, polo sistema de libre designación, dos seguintes postos de traballo:
Posto de traballo |
Grupo |
Nivel C.D. |
Localidade |
Quenda |
Secretaría da Vicerreitoría de Extensión Universitaria e Relacións Internacionais |
C1/C2 |
20 |
Vigo |
Mañá |
Secretaría da Vicerreitoría de Investigación e Transferencia |
C1/C2 |
20 |
Vigo |
Mañá |
Segundo. Poderá optar á súa provisión o persoal funcionario de carreira de administración destinado na Universidade de Vigo, calquera que sexa a súa situación administrativa, agás o suspenso en firme e sempre que na data de remate do prazo de presentación de solicitudes pertenza a algún corpo ou escala integrado nos subgrupos de clasificación indicados.
Terceiro. As persoas interesadas deben presentar a súa solicitude axustada ao modelo que figura como anexo, dirixíndoa ao reitor da Universidade de Vigo dentro do prazo de quince días hábiles, contados a partir do seguinte ao da publicación desta resolución no Diario Oficial de Galicia. As solicitudes de participación poderán presentarse no Rexistro Xeral ou nos auxiliares desta universidade, así como segundo o previsto no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
Cuarto. A solicitude deberá ir acompañada dun curriculum vitae comprensivo dos datos persoais, anos de servizo, postos desempeñados na Administración, títulos académicos, estudos e cursos realizados, e calquera outro mérito que se considere oportuno achegar.
No caso de optar a máis dunha praza, deberá presentar a solicitude e a documentación acreditativa correspondente, para cada unha delas.
Quinto. O prazo para tomar posesión do destino definitivo obtido nesta convocatoria será de tres días hábiles, se non implica cambio de residencia ou de sete días hábiles se o comporta.
O prazo de toma de posesión comezará a contarse a partir do día seguinte ao de cesamento, que se fixará na resolución que poña fin a este proceso selectivo.
Sexto. Todos os restantes actos que integren este procedemento publicaranse, cando corresponda, no taboleiro de anuncios do Rexistro Xeral e no seguinte enderezo electrónico: http://persoal.uvigo.es/persoal_gl/PAS/emprego/internas/funcionario/libre/index.html
Contra esta resolución, que esgota vía administrativa, poderase interpor recurso ante o xulgado do contencioso-administrativo competente, no prazo de dous meses contados desde o día seguinte ao da súa publicación no Diario Oficial de Galicia, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán optar por interpor contra esta resolución recurso de reposición no prazo dun mes, contado a partir do día seguinte ao da publicación da presente, ante o mesmo órgano que a ditou. Neste caso non caberá interpor o recurso antes citado mentres non recaia resolución expresa ou presunta do recurso de reposición, de conformidade co disposto na Lei 4/1999, do 13 de xaneiro, modificadora da Lei 30/1992, do 26 de novembro, de réxime xurídico das administracións públicas e do procedemento administrativo común.
Vigo, 23 de abril de 2015
Salustiano Mato de la Iglesia
Reitor da Universidade de Vigo
ANEXO
Solicitude de participación libre designación (R.R. 23.4.2015)
NOME E APELIDOS |
DNI |
CORPO OU ESCALA |
SUBGRUPO DE PERTENZA |
GRAO PERSOAL CONSOLIDADO |
CENTRO/UNIDADE |
LOCALIDADE |
TELÉFONO E CORREO ELECTRÓNICO |
POSTO SOLICITADO |
A persoa que asina abaixo solicita ser admitida á convocatoria a que se refire esta instancia e DECLARA que son certos os datos consignados nela, e que reúne as condicións requiridas especificamente por esta convocatoria, comprometéndose a probar documentalmente todos os datos que figuran nesta solicitude.
..............................., …… de ................................................... de 201…
(sinatura)
REITOR DA UNIVERSIDADE DE VIGO