Visto o expediente para outorgamento das autorizacións administrativas previa e de construción da instalación eléctrica que a continuación se describe:
Solicitante: Unión Fenosa Distribución, S.A.
Domicilio social: A Batundeira 2, 32960 Velle.
Denominación: LMT ao centro de seccionamento depuradora de Reza.
Situación: Ourense.
Características técnicas:
– LMT subterránea en canalización existente a 20 kV de 2.085 m con condutor RHZ1 e con orixe na LMT VLL812, LMT ao CT Pino (32CB18) e remate na LMT ao CS proxectado.
– LMT subterránea en canalización existente a 20 kV de 1.675 m con condutor RHZ1 e con orixe na LMT VLL812 ao CS proxectado e remate no CT Reza-2 (32CS83).
– LMT subterránea en canalización existente a 20 kV de 260 m con condutor RHZ1 e con orixe na LMT VLL812 LMT ao CT urb. Pino (32CS82) e remate na LMT ao CT Reza-2 (32CS83).
– Centro de seccionamento nova depuradora de Reza.
Orzamento: 177.005,72 euros.
Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Conceder a autorización administrativa previa e a autorización administrativa de construción á devandita instalación, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente. Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra a presente resolución poderase interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación ou publicación desta resolución; tamén se poderá interpoñer calquera outro recurso que estime pertinente ao seu dereito.
Ourense, 10 de abril de 2015
Alfonso Tomás Paz Doniz
Xefe territorial de Ourense