A Comunidade veciñal promotora da ampliación do cemiterio de San Breixo de Lamas (representada por Albino Romero Núñez) solicitou nesta Alcaldía licenza municipal para a ampliación do cemiterio en Sobrado, s/n, Lamas, A Estrada. Cumprindo o disposto no artigo 8.3 do Decreto 133/2008, do 12 de xuño, no que se regula a avaliación de incidencia ambiental, sométese a información pública polo período de vinte días hábiles, a fin de que durante este prazo –que comezará a computarse desde o día seguinte ao da última inserción do presente edicto no Boletín Oficial da provincia e no Diario Oficial de Galicia– poidan examinar o expediente, no Departamento Municipal de Urbanismo, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que consideren oportunas.

A Estrada, 11 de marzo de 2015

José C. López Campos
Alcalde presidente