Anúnciase que a Xunta de Goberno Local, en sesión ordinaria do 26 de marzo de 2015, adoptou, entre outros, o seguinte acordo:

10. Aprobación inicial do Plan especial de dotacións para equipamento relixioso en solo rústico (expediente planeamento 2013001249).

A Xunta de Goberno Local, de conformidade coa proposta, por unanimidade dos asistentes (6 votos a favor), acordou:

1º. Aprobar inicialmente o Plan especial de dotacións para equipamento relixioso en solo rústico sito na estrada Vilar-Madrosende (Vilar de Astrés).

2º. Someter o expediente a información pública durante o prazo dun mes na forma prevista no artigo 86.1.a) da Lei de Galicia 9/2002.

3º. Solicitar os informes sectoriais de conformidade co previsto no artigo 86.1.b) da Lei de Galicia 9/2002.

Ourense, 31 de marzo de 2015

Agustín Fernández Gallego
Alcalde presidente