O Pleno do Concello de Barro, en sesión extraordinaria do 16 de abril de 2015, adoptou o acordo de aprobación inicial da modificación puntual número 1 do Plan de sectorización SRAU industrial Outeda-Curro.

De conformidade co establecido no artigo 86 da Lei 9/2002, do 30 de decembro, de ordenación urbanística e protección do medio rural de Galicia, expóñense ao público o expediente e o documento administrativo para os efectos de que os interesados formulen as alegacións que coiden oportunas.

– Lugar: Secretaría do Concello de Barro (Santo Antoniño, 11-Perdecanai, 36194 Barro).

– Horario de consulta: das 9.00 ás 15.00 horas, de luns a venres, e das 9.00 ás 14.00 horas os sábados.

– Prazo: un mes contado a partir do día seguinte ao da publicación deste anuncio no Diario Oficial de Galicia.

Barro, 22 de abril de 2015

José Antonio Landín Eirín
Alcalde