A Xunta Veciñal desta entidade, en sesión ordinaria que tivo lugar o día 6 de abril de 2015, acordou aprobar a proposta de escudo e bandeira propostos pola Comisión de Heráldica para a Entidade Local Menor de Pazos de Reis.

En cumprimento do disposto no artigo 16.a) do Decreto 19/2010, do 11 de febreiro, polo que se aproba o Regulamento de símbolos das entidades locais de Galicia, sométese o expediente a información pública mediante a publicación no DOG e no taboleiro de edictos desta entidade, por un prazo dun mes contado desde o día seguinte ao da inserción deste anuncio no DOG para que poida ser examinado e se presenten as alegacións que se consideren oportunas.

Se, transcorrido o dito prazo, non se presentaron reclamacións, considerarase aprobado definitivamente o dito acordo.

Pazos de Reis, 7 de abril de 2015

Enrique Pérez Martínez
Presidente