En sesión que tivo lugar o día 13 de abril de 2015, o tribunal nomeado pola Orde do 30 de abril de 2014 (DOG núm. 92, do 15 de maio), modificada pola Orde do 13 de xuño de 2014 (DOG núm. 119, do 25 de xuño), encargado de cualificar o proceso selectivo para o ingreso no corpo de axudantes facultativos da Xunta de Galicia, subgrupo C1, escala de axentes facultativos ambientais, de acordo co establecido na base II.1.1.4 da orde da convocatoria,
ACORDOU:
Primeiro. Convocar os opositores que se relacionan no anexo, que non acreditaron en prazo posuír o Celga 4, curso de perfeccionamento de galego ou equivalente, debidamente homologado polo órgano competente en materia de política lingüística da Xunta de Galicia, de acordo coa disposición adicional segunda da Orde do 16 de xullo de 2007, pola que se regulan os certificados oficiais acreditativos dos niveis de coñecemento da lingua galega (publicada no DOG número 146, do 30 de xullo), para a realización do cuarto exercicio do proceso selectivo, que terá lugar o día 23 de abril de 2015 no Seminario B da Escola Galega de Administración Pública de Santiago de Compostela, en chamamento único que se iniciará ás 16.30 horas. Os aspirantes deberán ir provistos de DNI ou documento fidedigno acreditativo da súa identidade, ao xuízo do tribunal, e bolígrafo de tinta azul.
Segundo. Non se permitirá o acceso ao recinto onde se realizará o exercicio con teléfonos móbiles, axendas electrónicas, reloxos intelixentes ou calquera outro instrumento de que se poida valer o aspirante para auxiliarse na realización do exercicio. Non se habilitará no recinto ningún servizo de recollida de móbiles.
Santiago de Compostela, 13 de abril de 2015
Alfonso Barreiro Filgueira
Presidente do tribunal
Anexo
DNI |
Apelidos e nome |
36137348R |
Davila González, Alberto |
77004360S |
Fernández Otero, Jacobo |
71442887B |
Martino Pérez, Juan Fidel |