Eu, M. Socorro Bazarra Varela, secretaria xudicial da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 4549/2014 desta sección, seguido por instancia de Campus na Nube, S.L. (antes Tórculo Artes Gráficas, S.A.), Tórculo Artes Gráficas, S.A., contra Fogasa, Fotocopias Maxin, S.L.U., María Carmen Ferreiro Campos, administración concursal de Fotocopias Maxin (María Sierra Rodríguez), sobre despedimento disciplinario, se ditou a seguinte resolución:
«O anterior escrito subscrito polo letrado Manuel Lobato Iglesias únase ao recurso da súa razón xunto coas súas copias.
Tense por interposto o recurso de casación para unificación de doutrina. Fórmese peza separada que se encabezará con testemuño da sentenza ditada por esta sala e emprácense as demais partes para que comparezan por escrito de letrado, ante a Sala do Social do Tribunal Supremo, dentro do prazo de dez días, achegando copias do dito escrito e designando un domicilio para notificacións na sede da dita sala. Deberase acreditar a representación da parte de non constar previamente nas actuacións.
Verificado, remítanse as actuacións ao dito tribunal.
A parte recorrente enténdese comparecida de dereito coa remisión das actuacións.
Comuníquese ao Xulgado do Social número 1 de Santiago que a resolución desta sala foi impugnada en casación para unificación de doutrina.
Notifíqueselles ás partes e fágaselles saber que contra esta resolución non cabe recurso ningún.
Acórdoo e asínoo. Dou fe».
Para que lle sirva de emprazamento en legal forma á entidade Fotocopias Maxin, S.L., en ignorado paradoiro, expido este edicto para a súa inserción no Diario Oficial de Galicia.
Advírteselle ao destinatario que as seguintes comunicación se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 24 de marzo de 2015
A secretaria xudicial