De conformidade co Acordo da Alcaldía do 30 de marzo de 2015, por medio deste anuncio efectúase convocatoria do procedemento aberto, oferta economicamente máis vantaxosa, con varios criterios de adxudicación, para a adxudicación do contrato da subministración dun camión usado, de tracción 4x4,e recollida do vehículo existente, conforme os seguintes datos:
1. Entidade adxudicadora:
a) Organismo: Concello de Chandrexa de Queixa.
b) Dependencia que tramita o expediente: Secretaría.
c) Número de expediente: SEC 2015/001.
2. Obxecto do contrato:
a) Descrición do obxecto: subministración dun camión usado, de tracción 4x4, e recollida dun vehículo usado tipo camión 4x4 propiedade deste concello, con placa de matrícula OR 3138 U.
b) Lugar de execución: Concello de Chandrexa de Queixa.
c) Prazo máximo de entrega: 40 días.
d) Importe: 33.884,30 € máis 7.115,70 € de IVE, que suman un total de 41.000,00 €.
e) Clasificación exixida: non se exixe.
3. Tramitación e procedemento:
a) Tramitación: ordinaria.
b) Procedemento: aberto multicriterio (non suxeito a regulación harmonizada).
4. Garantía provisional: non se exixe.
5. Obtención de documentación e información:
a) Entidade: Concello de Chandrexa de Queixa.
b) Domicilio: Rúa do Concello, 19, Celeiros.
c) Localidade e código postal: Chandrexa de Queixa, 32786.
d) Teléfono: 988 33 40 00.
e) Fax: 988 33 40 56.
f) Data límite de obtención de documentos e información: ás 14.00 horas do último día do prazo de presentación de ofertas. Se este é sábado, domingo ou festivo prorrogaríase ao día seguinte hábil distinto de sábado.
6. Requisitos específicos do contratista: os establecidos na cláusula IX do prego de cláusulas administrativas particulares (en diante PCAP).
7. Criterios de valoración das ofertas: os que figuran na cláusula XIV do PCAP.
8. Presentación das ofertas:
a) Prazo de presentación: quince (15) días naturais que se contarán desde a última publicación.
b) Documentación que se presentará: a establecida na cláusula X do PCAP.
c) Lugar de presentación: Rexistro Xeral do Concello de Chandrexa de Queixa, ou por correo, na forma indicada no artigo 80.4 do Regulamento xeral de contratos do Estado. Cando o último día para a presentación de ofertas coincida en sábado ou en día inhábil, o prazo entenderase prorrogado ata o primeiro día hábil seguinte.
9. Apertura das ofertas: segundo a cláusula XIII do PCAP.
10. Gastos de anuncios: serán por conta do adxudicatario.
11. Perfil de contratante e taboleiro de anuncios, onde figuran as informacións relativas á convocatoria e onde se poden obter os pregos: www.depourense.es
Chandrexa de Queixa, 30 de marzo de 2015
Francisco Rodríguez Rodríguez
Alcalde