Intentada a notificación deste acordo segundo o disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE do 14 de xaneiro), e non sendo posible a súa práctica, por medio desta cédula, e segundo o disposto no número 5 do referido artigo e o establecido no artigo 61 do mesmo texto legal, notifícaselle a interesada o contido da resolución que figura como anexo para que poida ter coñecemento del.
Así mesmo, fáiselle saber que pon fin á vía administrativa contra ela cabe interpoñer recurso contencioso-administrativo no prazo de dous meses, que comezará a contar a partir do día seguinte ao da publicación desta cédula no Diario Oficial de Galicia, ante a Sala do Contencioso-Administrativo do Tribunal Superior de Xustiza de Galicia, así como, con anterioridade e con carácter potestativo, poderá interpoñer recurso de reposición no prazo dun mes, que comezará a contar a partir do día seguinte ao desta publicación, ante esta xefatura territorial. Todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 30/1992, do 26 de novembro, de réxime xurídico das administracións públicas e do procedemento administrativo común.
Lémbraselle tamén o seu dereito a consultar o expediente, depositado nas dependencias desta xefatura territorial, sitas na rolda da Muralla, nº 70, baixo, en Lugo, e a obter, se é o caso, copia deste acordo, segundo o previsto na letra a) do artigo 35 da Lei 30/1992, do 26 de novembro.
Lugo, 5 de marzo de 2015
Alberto Linares Fernández
Xefe territorial de Lugo
ANEXO
Número de expediente: TR349A 2014/57-2.
Nome: Blanco Linares, S.L.
DNI/NIF: B27455567.
Último enderezo coñecido: calzada Huertas, 23, 4º, 27400 Monforte de Lemos, Lugo.
Contido da resolución: resolución ditada o 19 de xaneiro de 2015 polo xefe territorial da Consellería de Traballo e Benestar de Lugo, de non concesión de axuda ou subvención solicitada, por incumprir a base segunda, número 4, do anexo I-A da orde reguladora da subvención.