De conformidade co disposto no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase mediante a publicación no Diario Oficial de Galicia e exposición no taboleiro de edictos do Concello de Camariñas á mercantil Sea Octopus, S.L. orde de retirada da embarcación Juan Baltasar Segundo con folio 4ª-VILL-3-125-91 da zona de servizo do porto de Camariñas, por non ser posible a notificación a través do servizo de Correos no derradeiro enderezo coñecido sito na avenida da Coruña, nº 28, de Camariñas (A Coruña).
De acordo co expediente que traslada á Xefatura da Zona Centro de Portos de Galicia, a embarcación se atopa depositada sen autorización desde o ano 2013 na zona de servizo do porto de Camariñas en estado de abandono, e a empresa propietaria non aboa ningunha liquidación desde o ano 2008.
A presente orde emítea a Dirección de Portos de Galicia ao abeiro das competencias conferidas polo artigo 9.3.a) da Lei 5/1994, do 29 de novembro, de creación de Portos de Galicia.
A retirada da embarcación deberá de producirse nun prazo máximo de dez días contados desde o día seguinte ao da publicación da presente orde no Diario Oficial de Galicia e exposición no taboleiro de edictos do Concello de Camariñas.
O atraso no cumprimento da orde de retirada implicará que Portos de Galicia, ao abeiro do establecido no artigo 95 da Lei 30/1992, do 26 de novembro, de réxime xurídico das administracións públicas e do procedemento administrativo común, na regra décimo quinta de aplicación á tarifa portuaria E-2 prevista na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, e no artigo 49 do Regulamento de servizo e policía aprobado pola Orde ministerial do 12 de xuño de 1976, proceda a efectuar a retirada da embarcación de maneira subsidiaria e á custa do propietario, así como a súa incautación e alleamento por exceder neste momento o importe dos dereitos creados e non satisfeitos sobre a embarcación ao seu valor máximo, segundo valoración da que dispón esta entidade, e todo iso sen prexuízo da incoación de procedemento administrativo sancionador.
Para o seu exame, o expediente completo atópase nas dependencias dos Servizos Centrais de Portos de Galicia en Área Central, praza de Europa, 5-A, 6º, 15707, Santiago de Compostela.
O presente acto administrativo, que ten eficacia executiva, non esgota a vía administrativa e é susceptible de recurso de alzada, que deberá de presentarse ante a Presidencia de Portos de Galicia nun prazo máximo dun mes contado desde o día seguinte ao da súa publicación no Diario Oficial de Galicia ou ao da súa exposición no taboleiro de edictos do Concello de Camariñas.
E para que conste e lles sirva de notificación, e en cumprimento do disposto no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo a presente cédula.
Santiago de Compostela, 24 de marzo de 2015
José Ignacio Villar García
Director de Portos de Galicia