Unha vez presentada a renuncia da presidenta titular do tribunal encargado de cualificar o proceso selectivo para o ingreso no corpo facultativo de grao medio da Xunta de Galicia, subgrupo A2, escala de enxeñeiros/as técnicos/as de minas, convocado pola Orde da Consellería de Facenda do 9 de maio de 2014 (DOG núm. 99, do 26 de maio) e de conformidade co establecido nas bases da convocatoria, esta consellería

DISPÓN:

Primeiro. Aceptar a renuncia presentada por María Dolores Pérez Ayuso como presidenta titular do tribunal encargado de cualificar o proceso selectivo para o ingreso no corpo facultativo de grao medio da Xunta de Galicia, subgrupo A2, escala de enxeñeiros/as técnicos/as de minas.

Segundo. Nomear no seu lugar como presidente titular do dito tribunal a Jorge José Delgado Martín, catedrático da área de coñecemento de Enxeñaría do Terreo da Universidade da Coruña.

Terceiro. Nomear como secretaria titular a Elena Barba Pan, funcionaria do corpo superior de administración da Xunta de Galicia.

Santiago de Compostela, 11 de marzo de 2015

Valeriano Martínez García
Conselleiro de Facenda