Gaspar Alborés Sanromán solicitou licenza de legalización de actividade de venda de pensos e produtos fitosanitarios que se situará na rúa dos Pazos, número 127, parroquia de Nigrán (expediente 13/0314SU-código 2013002012).
De conformidade co artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese o expediente a información pública por un prazo de vinte días mediante anuncio no DOG, BOP e exposición no taboleiro de anuncios deste concello, para que quen se considere afectado dalgún xeito pola actividade que se pretende establecer poida alegar o que considere oportuno. O prazo de exposición pública considérase aberto desde o día seguinte ao da publicación do primeiro anuncio e rematado transcorridos vinte días desde o día seguinte ao da publicación do último anuncio. O expediente estará á disposición do público e pódese consultar no Rexistro Xeral do Concello de Nigrán durante as horas de oficina.
Nigrán, 13 de xaneiro de 2015
Alberto Valverde Pérez
Alcalde