Advertido un erro no prego de prescricións técnicas para a referida contratación, anunciada mediante a Resolución do 25 de febreiro de 2015 (data de envío ao DOUE), cómpre facer a seguinte corrección:

– Na páxina 7 do prego de prescricións técnicas, na epígrafe [51] do número 3.3.1 correspondente aos requirimentos relativos ás devasas, onde di:

«[51] Os dispositivos deben poder ser instalados en armarios de comunicacións estándar de 19’’, as dimensións físicas das devasas serán, como máximo, de dez (10) unidades de Rack (RU)».

Debe dicir:

«[51] Os dispositivos deben poder ser instalados en armarios de comunicacións estándar de 19’’, as dimensións físicas das devasas serán, como máximo, de dezaseis (16) unidades de Rack (RU)».

Esta corrección afecta o prazo de presentación de ofertas recollido no punto 8 da dita resolución.

Data do envío do anuncio de información adicional ou rectificativo ao Diario Oficial de la Unión Europea: 5.3.2015.

A data límite de obtención de documentación e información e da presentación de ofertas remata o 14.4.2015.

Santiago de Compostela, 5 de marzo de 2015

Mar Pereira Álvarez
Directora da Axencia para a Modernización Tecnolóxica de Galicia