De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase a Europe Company Corporation, S.A. a Resolución do 27 de xaneiro de 2015, da directora xeral de Emprego e Formación, ditada no procedemento de baixa no Rexistro de Centros e Entidades de Formación para o Emprego da Consellería de Traballo e Benestar, devolta polo servizo de Correos por resultar descoñecido o seu destinatario.

«Número de censo: 36H00804.

Europe Company Corporation, S.A.

Praza do Mercado de Teis, núm. 14.

36207 Vigo.

Pontevedra.

Logo de examinar a inscrición/acreditación da entidade Europe Company Corporation, S.A., no Rexistro de Centros e Entidades de Formación para o Emprego da Consellería de Traballo e Benestar,

Supostos de feito:

Primeiro. A entidade Europe Company Corporation, S.A., A08699068, encóntrase inscrita no Rexistro de Centros e Entidades de Formación para o Emprego da Consellería de Traballo e Benestar, co número 36H00804, nas especialidades formativas seguintes:

Código especialidade	Descrición	Alta homologación
ADGX01	Inglés: Xestión Comercial	27.12.1999
ADGY01	Xestión de Riscos	27.12.1999
IFCI17	Técnico en Software Ofimático	15.12.2005
IFCX02	Iniciación á Rede Internet	9.10.2003

Segundo. A Xefatura Territorial da Consellería de Traballo e Benestar de Vigo o 27 de outubro de 2014 requiriu á entidade Europe Company Corporation, S.A., para os efectos de comprobar o cumprimento dos requisitos establecidos na normativa vixente para manter a condición de centro/entidade inscrito ou acreditado no Rexistro de Centros e Entidades de Formación para o Emprego da Consellería de Traballo e Benestar, a documentación prevista nos artigos 5 e 6 do Decreto 106/2011 e informouna de que, en caso de non achegar a documentación requirida, se proporía a súa baixa no antedito rexistro.

Terceiro. O 28 de outubro de 2014 devolveuse a notificación do requirimento por resultar descoñecido o centro no enderezo da praza do Mercado de Teis, núm. 14, 36207 Vigo, Pontevedra.

Cuarto. O 9 de decembro de 2014 persoal técnico da Xefatura Territorial da Consellería de Traballo e Benestar de Vigo visitou o centro Europe Company Corporation, S.A. e comprobou que non existe o devandito centro na praza do Mercado de Teis, núm. 14, 36207 Vigo, Pontevedra

Quinto. En cumprimento do disposto no artigo 8 do Decreto 106/2011, do 19 de maio, o 10 de decembro de 2014 a xefa territorial da Consellería de Traballo e Benestar de Vigo propón a baixa no Rexistro de Centros, Entidades de Formación de Europe Company
Corporation, S.A., con número de censo 36H00804, na praza do Mercado de Teis,
núm. 14, 36207 Vigo, Pontevedra, coas especialidades correspondentes, por non existir o dito centro no enderezo sinalado.

Fundamentos de dereito:

Primeiro. A competencia para resolver o presente expediente corresponde á directora xeral de Emprego e Formación, de conformidade co establecido no art. 6.3) e artigo 8 do Decreto 106/2011, do 19 de maio.

Segundo. O artigo 8.1.a) do Decreto 106/2011, do 19 de maio, dispón que se poderá acordar a baixa no Rexistro de Centros e Entidades de Formación en caso de incumprimento de calquera das obrigas previstas no artigo 7 deste decreto.

Terceiro. O artigo 7.1.a) do Decreto 106/2011, do 19 de maio, dispón que os centros e entidades de formación teñen a obrigación de manter as instalacións e a estrutura de medios sobre a base das cales se produciu a súa inscrición e adaptalas aos requisitos mínimos que en cada momento se exixan para cada especialidade acreditada ou inscrita.

Revisado o expediente, compróbase que Europe Company Corporation, S.A., non mantén as instalacións e a estrutura de medios sobre a base das cales se produciu a súa inscrición na praza do Mercado de Teis, núm. 14, 36207 Vigo, Pontevedra.

Cuarto. Tendo en conta que na tramitación do expediente se observaron as normas que para o efecto se establecen no Decreto 106/2011, do 19 de maio, e na Lei de réxime xurídico das administracións públicas e do procedemento administrativo común.

Logo de ver o Real decreto 395/2007, do 23 de marzo, polo que se regula o subsistema de formación profesional para o emprego, a Orde TAS/718/2008, do 7 de marzo, modificada pola Orde ESS/1726/2012, do 2 de agosto, pola que se desenvolve o antedito real decreto, o Decreto106/2011, do 19 de maio, polo que se crea o Rexistro de Centros e Entidades de Formación para o Emprego da Consellería de Traballo e Benestar e se regula o procedemento para a inscrición e, se é o caso, acreditación dos centros e entidades que impartan formación para o emprego no territorio da Comunidade Autónoma de Galicia, o Decreto 235/2012, do 5 de decembro, polo que se fixa a estrutura orgánica da Vicepresidencia e das consellerías da Xunta de Galicia, o Decreto 42/2013, do 21 de febreiro, polo que se establece a estrutura orgánica da Consellería de Traballo e Benestar, a Lei 30/1992, do 26 de novembro, de réxime xurídico das administracións públicas e do procedemento administrativo común, e a demais normativa de xeral aplicación.

RESOLVO:

Dar de baixa a entidade Europe Company Corporation, S.A., co número de censo 36H00804, no Rexistro de Centros e Entidades de Formación para o Emprego da Consellería de
Traballo e Benestar.

Notifíquese aos interesados a presente resolución para o seu coñecemento e efectos oportunos.

Contra esta resolución poderase interpoñer recurso de alzada ante a conselleira de Traballo e Benestar no termo dun mes contado desde a súa notificación, de acordo co establecido no artigo 114, seguintes e concordantes, da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro».

Santiago de Compostela, 17 de febreiro de 2015

Ana Mª Díaz López
Directora xeral de Emprego e Formación