Con data do 28 de agosto de 2014, o xefe territorial da Consellería de Economía e Industria ditou a proposta de resolución do expediente sancionador PO-4/2014-IC, incoado contra Energy Tel Instal, S.L.

Intentada a notificación da proposta de resolución do expediente sancionador, de conformidade co disposto no artigo 59.1 da Lei 30/1992, do 26 de novembro, de réxime xurídico das administracións públicas e do procedemento administrativo común, e non sendo posible a súa práctica, por medio desta cédula, e segundo o disposto no artigo 59.5 da referida lei, notifícaselle á interesada o contido do devandito acordo, que figura como anexo, para que poida ter coñecemento dela.

Advírtese a interesada que, en cumprimento do artigo 19 do Real decreto 1398/1993, do 4 de agosto, o citado expediente encóntrase á súa disposición nas dependencias administrativas do Servizo de Coordinación Industrial da Xefatura Territorial de Economía e Industria de Pontevedra en Vigo e que contra a referida proposta se lle concede un prazo de 15 días para formular as alegacións que estime oportunas.

Vigo, 17 de febreiro de 2015

Ignacio Rial Santomé
Xefe territorial de Pontevedra

ANEXO

Expediente: PO-04/2014-IC.

Interesada: Energy Tec Instal, S.L. (CIF: B70338611).

Enderezo: Emilio González López, 9. 15011 A Coruña.

Feitos imputados: unha infracción leve en materia de seguridade industrial.

Preceptos infrinxidos: Lei 9/2004, do 10 de agosto, de seguridade industrial de Galicia. Artigo 33.4 c).

Instrutor do expediente: Alfredo Javier González Ballesta.