En sesión que tivo lugar o día 25 de febreiro de 2015, o tribunal nomeado pola Orde do 6 de febreiro de 2014 para cualificar o proceso selectivo extraordinario de consolidación para o ingreso no corpo facultativo de grao medio da Xunta de Galicia, subgrupo A2, escala de enxeñeiros/as técnicos/as agrícolas, de conformidade coa base II.2.6,

ACORDOU:

Primeiro. Proceder á publicación da baremación provisoria da fase de concurso correspondente ao proceso selectivo extraordinario de consolidación para o ingreso no corpo facultativo de grao medio da Xunta de Galicia, subgrupo A2, escala de enxeñeiros/as técnicos/as agrícolas, das/dos aspirantes que presentaron documentación. A relación das puntuacións obtidas polos/as aspirantes recóllense no anexo a esta resolución.

Segundo. Realizar os trámites oportunos para a publicación das puntuacións obtidas polas/os aspirantes, no taboleiro de anuncios do Servizo de Rexistro Xeral e Información á Cidadanía da Vicepresidencia e Consellería de Presidencia, Administracións Públicas e Xustiza e na páxina web da Xunta de Galicia (www.xunta.es).

Terceiro. De acordo co disposto na base II.2.6 da convocatoria do proceso, contra a baremación as/os aspirantes que o consideren oportuno poderán presentar reclamación ante o propio tribunal no prazo de dez días hábiles contados a partir do seguinte ao da publicación no Diario Oficial de Galicia da dita baremación.

Cuarto. De conformidade co disposto na base III.13 da orde da convocatoria, contra este acordo poderase interpoñer recurso de alzada nos termos previstos nos artigos 114 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 25 de febreiro de 2015

Roberto Suárez Vázquez
Presidente do tribunal

Anexo
Baremación concurso promoción interna

Baremación concurso base I.1.2

Baremación concurso acceso libre