Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Unión Fenosa Distribución, S.A.
Domicilio social: travesía de Vigo, 204, 36207 Vigo.
Denominación: LMTS e novo CT A Carabuxeira.
Situación: Sanxenxo.
Características técnicas: LMT subterránea a 20 kV con condutor RHZ de 46 metros de lonxitude, con orixe na arqueta proxectada e final no apoio existente na VLG807 Vilalonga-A Carabuxeira, no cal se fai un paso aero subterráneo, unha vez que entre e saia do CT proxectado. Centro de transformación de 400 kVA, RT 20 kV/400-230 V, situado no lugar da Carabuxeira (Sanxenxo).
Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 4 de febreiro de 2015
Ignacio Rial Santomé
Xefe territorial de Pontevedra