Raquel Fernández Arbesú, secretaria xudicial do Xulgado de Primeira Instancia e Instrución número 2 de Caldas de Reis, polo presente anuncio:

No presente procedemento ordinario 471/2012, seguido por instancia de Alavesa de Barnices, S.A. fronte a Lacados e Barnizados Xagove, S.L., ditouse sentenza cuxo encabezamento e resolución son do teor literal seguinte:

Xulgado de Primeira Instancia e Instrución número 2 de Caldas de Reis.

Sentenza 42/2014.

Procedemento: xuízo ordinario 471/2012.

Sentenza:

Caldas de Reis, 11 de marzo de 2014.

Demandante: Alavesa de Barnices, S.A.

Letrado: Luis Fernández González-Carracedo.

Procuradora: Rosa Gardenia Montenegro Faro.

Demandado: Lacados e Barnizados Xagobe, S.L. (rebeldía).

Obxecto: reclamación de pagamento de facturas derivadas de contrato de subministración.

Resolución:

Estímase na súa integridade a demanda interposta por Alavesa de Barnices, S.A. contra Lacados e Barnizados Xagobe, S.L. e, en consecuencia, condénase a entidade demandada a aboar á demandante a cantidade de vinte e cinco mil setecentos vinte e sete con cincuenta e tres euros (25.727,53 €).

Así mesmo, condénase a parte demandada a aboar o xuro legal desde a data de interposición da demanda (26 de outubro de 2012).

Imponse á parte demandada o pagamento das custas procesuais.

Notifíquese esta resolución ás partes, facéndolles saber que non é firme e que contra esta cabe recurso de apelación, que se poderá interpoñer ante este xulgado no termo de vinte días desde a notificación, logo de constitución de depósito de 50 euros na conta deste xulgado.

Así o acorda Cristina Sánchez Neira, xuíza titular do Xulgado de Primeira Instancia e Instrución número 2 de Caldas de Reis.

E encontrándose o devandito demandado, Lacados e Barnizados Xagove, S.L., en paradoiro descoñecido, expídese o presente co fin de que lle sirva de notificación en forma.

Caldas de Reis, 14 de marzo de 2014

A secretaria xudicial