De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, procédese a dar publicidade á parte substantiva dos acordos adoptados pola Xefatura Territorial da Consellería de Cultura, Educación e Ordenación Universitaria da Coruña:
«Primeiro. Iniciar o procedemento de reintegro da bolsa concedida, identificada no anexo desta resolución.
Segundo. Pór á disposición da interesada o expediente para que, consonte o previsto no artigo 84 da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, no prazo de dez días, contados a partir do seguinte ao da publicación desta resolución no Diario Oficial de Galicia, alegue e presente os documentos e xustificacións que coide pertinentes, ante a Sección de Bolsas da Xefatura Territorial da Consellería de Cultura, Educación e Ordenación Universitaria, situada na rúa Vicente Ferrer, número 2, 9º, A Coruña (teléfono 981 18 47 41/742).
Transcorrido este prazo, a Dirección Xeral de Avaliación e Cooperación Territorial do Ministerio de Educación, de ser o caso, ditaría resolución que determine tanto a procedencia do reintegro como a liquidación dos xuros de demora correspondentes desde o momento do pagamento da bolsa.
Con todo, no suposto de que a interesada esté conforme coa obriga do reintegro, poderá facer efectivo o reintegro en calquera banco ou caixa de aforros, facendo uso dos documentos habilitados para o efecto, dándose así por concluído o expediente».
A Coruña, 6 de febreiro de 2015
Indalecio Cabana Leira
Xefe territorial da Coruña
ANEXO
Interesada: Díaz Merino, Ana. A Coruña.
NIF: 54129366Q.
Importe: 3.029,00 €.
Curso: 2011/12.
Causa: 1.1.